السياسي الحقيقة شعارنا..والمصداقية طريقنا
اوعى تفتكر… عشان انا اخوك او ابن عمك.. او من عيلتك.. ابقى استحق صوتك.. وتطلع تقولى.. ياعم الشيخ الاقربون اولى بالمعروف… اى معروف تقصد …… اسمع كلام حبيبنا… رسول الله صلوات ربى عليه.. بيقول ايه… ليس منا من دعى الى عصبيه… امر ونهى نبوى
اوعى تفتكر… عشان طلعت كام واحد من القسم… ابقى استحق صوتك… غلطان فى حق نفسك وحق الدايره كلها…
اوعى تفتكر… عشان ربنا فتح عليك… وصالحت كام عيله.. مع بعض…ابقى استحق صوتك.. دا فضل من الله عليك …وثمنه عند الله… مش عند العبد
اوعى تفتكر…. عشان روحت ليك عزاء… ابقى استحق صوتك… ولو مروحتش… ابقى ما استحقوش… دى اسمها خيابه لامؤاخذه…
اوعى تفتكر… عشان بتبرع بمدرسه.. او بشارك فى عمل مصلحه عامه….ابقى استحق صوتك …دا اسمه اطعم الفم تستحي العين… يعنى اصوات بسيف الحياء… وفى السياسه والتشريع الكلام. . دا مايكولش عيش …. وضحك على الدقون
اوعى تفتكر… عشان جبت انبوبتين.. غاز او الفين… فى وقت ازمه الغاز …. ابقى استحق صوتك… لان دا واجب وخدمه عامه ….
اوعى تفتكر.. انى عشان من قريتك.. او من بلدك.. تظهر الجمله.. المعتاده اليومين دول ابن البلد اولى… من الغريب خلاص نفضها سيره.. وكل قريه وبلد… ترشح واحد من ابنائها ويبقى حقهم.. وندخلهم كلهم الانتخابات.. ويجى ابوفلوس يسرقها من الكل… مدام الكل ساعد فى تفتيت الاصوات.. وهو مش عارف…. قيمه صوته اتقوا الله …. فى اصواتكم.. وفى افعالكم …عضو مجلس النواب اختياره.. مش كده … عايزين ناس مش بالحب.. والود.. وابن البلد.. عايزين ناس لو حتى بنكرهم… بس هيبقى ليهم دور قوى داخل البرلمان… بيناقش ويضع حلول تشريعيه ودستوريه… تخدم الدوله كلها والحكومه تعمله الف حساب… بفكره وثقافته.. وقوته داخل البرلمان …واهم حاجه يكون عنده ثقه فى نفسه… وعارف قيمه نفسه… كعضو مشرع… ويعلم ان قيمته… اهم من قيمه المحافظ ..و الوزير.. ومن رئيس الوزراء… ولن ابالغ واقول.. ان قيمته تعادل.. قيمه منصب رئيس الجمهوريه… بس لو احسن استغلال منصبه.. مش يفرح انه اتصور مع محافظ .. او وزير وخلاص
وعشان كده لازم نختار مرشحى حزب حماه الوطن
المستشار أيمن عامر أمين تنظيم العاصمة لحزب حماه الوطن
#معا_نحميه_معا_نبنيه