السياسي الحقيقة شعارنا..والمصداقية طريقنا
بقلم : محمد حنفي الطهطاوي
بمناسبة مسلسل الاختيار ..اوعي تنسوا موقعة البرث2017 دي متقلش علي بطولات 73 والاستنزاف اللي حررت سيناء من الصهاينة ..بطولات البرث انقذت مصر من سيناريو ضبابي ..احنا دايما رافعين راسنا لفوق ليه؟ عشان فيه ابطال في جيش عظيم مش منسي واحد لاء مليون منسي
اوعوا تنسوا ابدا ان اسرائيل عدو ودولة محتلة للاراضي الفلسطينية اللي يوم من الايام هتحرر كله بمعاد ..الصهاينة لسه طمعانين في سيناء ..100 مليون مصري مش هيتنزلوا ابدا عن ارض الفيروز الكل مشروع شهيد باذن الله للدفاع عن أرضه وبلده ..ربنا قادر علي افشال كل المخططات التي تحاك ضد مصر واحنا واثقين في كده .
الاسلام دين عظيم عمره ما حرض علي القتل والتدمير وهو برئ تماما من التنظيمات الارهابية وتجار الدين ..دي رسالة للغرب المتآمر الكاره..انسوا مهما عملتوا ودفعتم ومولتم الاسلام يزداد قوة شوية العيال التكفيرين ولا ليهم لازمة دولا كلاب اهل النار باذن الله .
تحية للبطل احمد منسي ورجاله الابطال وكل الابطال في الجيش المصري العظيم اللي احنا عايشبن علي حسه وتحت ظله عمرنا لخفنا ولا هنخاف ابدا غير من ربنا
اوعو تنسوا ان الاخوان والتنظيمات الارهابية خلاص فشلوا وهيفشلوا ..العيال اللي في تركيا وقطر ولندن موتوا بغيظكم مش هتقدروا توقعوا بينا وبين جيشنا مهما عملتوا ..احنا ممكن نختلف نزعل مع بعض لكن في الاخر تراب البلد بيجمعنا ويوحدنا
رحم الله شهداء مصر في الكل المعارك الشريفة اللي خضناها من 48 ل56 و67 و 73 والبرث واللي بعدها ..احنا مش خايفين عليهم لانهم احياء عند ربنا في الفردوس الاعلي من الجنة باذن الله
لولا البطولات في الاستنزاف و73 لما حررت الأرض ولولا البطولات في سيناء بعد سقوط حكم الاخوان لضاعت مصر ..ارفع راسك فوق عندك جيش عظيم
الاسطورة الخالدة للصاعقة المصرية البطل ابراهيم الرفاعي اللي بكي الصهيانة دم طبيعي جدا يجيمن بعده البطل منسي ورجاله يبكوا الصهيانة تاني بعد فشل التنظيمات الارهابية اللي بيدعموها لنشر الارهاب في سيناء ..وفي تضحيات كتير قدمها الجيش في كل الفترات عشان يحمي اهله وناسه