السياسي الحقيقة شعارنا..والمصداقية طريقنا
كتبت- مرام سلطان
“الجو حر ورطوبة عالية جداً، وفي الفترة دي الطفل محتاج جو معين يعقد فيه ويرتاح عشان نتفادى أضرار الصيف والحر زى الحمونيل والأمراض الجلدية الناتجة عن العرق والرطوبة”.. تعالو معانا نعرف في خطوات بسيطة جداً إزاى نقدر نحمى أطفالنا الحلوين من أضرار الصيف والحر يلا بينا:
١-لازم الطفل ياخد الشاور مرتين يوميا أول مايصحى وقبل ماينام.
٢-على مدار اليوم لازم نشطف وشهم بالماية وتحت رقبتهم .
٣-لو الطفل بيغير الحفاض لازم نتابع كل ساعتين عشان المنطقة دى مغلقة ومع الحر بتعمل تسلخات.
٤-التكيف يكون على درجة ٢٦،٢٧ يكون الجو حلو .
٥-المروحة تكون شغالة اذا مافيش تكيف .
٦-الطفل يلبس قطعة واحدة او اتنين بالكتير وتكون قطن.
٧-لو البيبي بيرضع لازم كل ساعة يرضع عشان يرطب الحلق بتاعة دايما اذا اقل من ٦شهور.
٨-السوائل الكتير والعصائر الفريش للأطفال وممنوع عصائر معلبة عشان سكريات زيادة ودة غلط.
وأخيراً ربنا يحمي أطفالنا من أى حاجة ممكن تضرهم.