السياسي الحقيقة شعارنا..والمصداقية طريقنا
كتب – محمود يوسف
نجح رجل الاعمال محمد رحمى المرشح بانتخابات الزمالك التى تقام يومى ٢٣ و ٢٤ على منصب العضوية فى وضع برنامج انتخابى طموح يليق باعضاء الجمعية العمومية للنادى الابيض ، ونال البرنامج اعجاب كافة الاعضاء
نص البرنامج
الساده أعضاء نادينا المحترمين
( كلام من القلب )
الزمالك وطن مش مجرد نادي
خدمة النادي وأعضاؤه مش محتاجه منصب
هي محتاجه حد مخلص بيحب النادي وبيحب اعضاؤه
كل الحكايه ان المنصب ده علشان يبقى القرار واخد الصفه القانونيه ..
( رؤيتي المستقبليه لنادينا الحبيب )
استكمالا للإنجازات
أحلم بـ ( زمالك 6 أكتوبر )
– تفعيل دور جمعية الحج والعمره بالنادي وعمل رحلات داخليه وخارجيه بسعر التكلفه وده مجال عملي.
– خدمه خاصه لكبار السن ( شراء عربة Golf Car ) وذلك لتسهيل انتقالاتهم داخل النادي.
– دعم أعضاء النادي من ذوي الاحتياجات الخاصه والاهتمام بهم ماديا و معنويا.
– إستكمالا لتحديث النشاط الاجتماعي بمختلف مجالاته وإتجاهاته واستمرار تطوير مصيف النادي بمرسى مطروح والعمل على وجود أكثر من مصيف بأكثر من مدينه ساحليه .
– تشكيل لجنه لتلقي المقترحات ليكون دورها التواصل مع الاعضاء و رفع مقترحاتهم للإداره التنفيذيه من خلال إستمارة إستبيان.
– تفعيل و تطوير دور الشباب و فكره ( من أعضاء النادي) من خلال ندوات و رسائل تحفيزيه تجعلهم عضو ايجابي للمجتمع و النادي .
– تطبيق خدمة تحصيل الاشتراكات و إستلام الكارنيهات عن طريق البريد ( خاصة لكبار السن ).
و أخيرا و ليس اخرا
هو لازم تنتخب حد مشهور يعني ممكن تنتخب حد منك حاسس بيك وبمشاكلك ويحاول يحلها معاك .
دي نبذه ولكن طموحاتنا لا تنتهي ، و اعاهدكم أمام الله إني هستمر في خدمة النادي وأعضاؤه سواء داخل مجلس الإداره أو خارجه
موعدنا 23 ، 24 نوفمبر إستكمالا لمسيرة الإنجازات.
( ايدك في ايدي من اجل نادينا الحبيب )
خدمتكم شرف لي
و الله يولي من يصلح