السياسي الحقيقة شعارنا..والمصداقية طريقنا
كتب: جميلة الشويخ
بعد غياب طويل عن الظهور ،وسط شائعات كثيرة تطاردها سواء بالزواج أو الطلاق وغيره ،فضلت الفنانة آمال ماهر الظهور اعلاميا لدحض كل الشائعات والأخبار المضللة .
وتحدثت خلال ظهور فى برنامج الحكاية مع الاعلامي عمرو أديب على قناه ام بي سي امس الجمعة، عن علاقتها الفنية بالمستشار تركي آل الشيخ رئيس الهيئة العامة للترفيه بالمملكة العربية السعودية، وعن رأيها في فعاليات موسم الرياض وإقامة العديد من الفعاليات التي تشهد حضور أبرز النجوم في مختلف المجالات سواء الفنية أو الثقافية وحتى الرياضة وسط حضور جماهيري ضخم.
وتعليقا من آمال على فعاليات موسم الرياض: “لو قولت لك على حاجة واحدة عجبتني أكون كدابة، حاجات كتير عجبتني التنظيم، الشكل، الحاجات الغير متوقعة اللي حاصلة هناك حاجة الواحد الصراحة فخور بيها”.
وعن علاقتها الفنية بتركي آل الشيخ قالت: “والله كان عندنا علاقة فنية وكان عندنا نجاحات كتير جدًا وان شاء الله بإذن الله يحصل نجاحات قادمة، وكان بينا أغاني ناجحة جدًا”.
وحرصت الفنانة آمال ماهر على طمأنة جمهورها على حالتها الصحية، وإنها بخير خاصة بعد انتشار شائعة اختطافها، وخرجت في فيديو صوت وصورة لمدة دقيقتين، لكن البعض اعتقد أنها ليست هي
وتابعت “طلعت لايف دقيقتين وقالوا مش هي ومش في بيتها، أنا اتخضيت من كتر الناس القريبين اللي برد عليهم ومش مصدقين إني أنا اللي بكلمهم، كنت بتمرن وبروح الجيم ولما تعبت وبطلت أروح قالوا دي مخطوفة” .
وعن شائعات خطفها وتعذيبها قالت : “كان بيتقال عليا بتعذب وقرايبي قالولي ابعتي لنا صوتك عشان نطمن عليكي يا اما هنجيلك، وقعدت شوية مخضوضة ومكانتش حاجة سهلة يعني ووصلت أني بقول للناس والله ما فيا حاجة والله أنا كويسة بشرح للناس اللي انا معرفهمش أي حد بيقابلني في أي مكان حتى ابني عمر كانوا بيسألوه مامتك كويسة وهو يتنرفز ويقولهم في إيه يا جماعة ماما كويسة ويقول كده يقولوا احنا مش مصدقينك قلت له خلاص ما تردش” .
وأضافت “آمال”: “لو هتكلم على حاجة زي كده هقولك إنها مضايقتنيش لكن فرحتني لأن ده يدل على حب والحمد لله على محبة الناس بس أنا بطمنهم وطمنتهم وبطمنهم برضه تاني أنا بخير مفيش أي حاجة خالص ودي كانت مجرد إشاعات زي إشاعات كتير جدًا بتحصل في الوسط، وفيه حاجات بترد سريعًا وفيه حاجات بتقول لأ خلاص بقى اللي يقول يقول”.واستكملت: “ويمكن أنا تعبي ومرضي ساعتها كان مأجل أني أطلع أقول للناس أنا كويسة، بس حقيقي أنا من فترة قلت أنا كويسة ومفيش أي مشكلة ودي كانت مجرد إشاعات وبتحصل كتير جدًا، بس هي يمكن كانت بزيادة شوية المرة دي بس حقيقي الحمد لله أنا بخير، واتقال عليا مخطوفة واتجوزت لأ حاجات كتير طلعت يعني” .