السياسي الحقيقة شعارنا..والمصداقية طريقنا
حرصا منا بموقع ( السياسى ) على عرض كافة وجهات النظر داخل نادى الزمالك هذه القلعة الرياضية العملاقة قررنا نشر اراء ووجهات نظر اعضاء الجمعية العمومية ولكن مع الاحتفاظ باسمائهم الحقيقية حتى لا يتعرضوا لسوء من المجلس الحالى
———
كتب – تومى فان
الريس طبعا وانتوا عارفينه طلع علينا وقال انه عمل نادي الزمالك من جديد في كل منشأته سواء رياضيه أو أجتماعية وانا بصراحه بقولوا ازاي عملت النادي رياضيا من جديد إذا كانت ملاعب الكرة الوزارة كانت شغاله فيها من ايام ممدوح عباس وكمان ملاعب كرة اليد اما ملاعب السلة والطائرة برده الوزارة هي اللي عملتها والقرار ده برده من الاول بالرغم انها اتعملت في عهدك وتأخيرها كان بسبب فكرك الهندسي سعادتك اللي عطل افتتاحهم لخطأ هندسي بسببك وكلف خزينة النادي ايجارات ملاعب الجزيرة وبعض الملاعب المدرسية وبعدين صالة واحد اتعملت في منتصف الثمانينات وصالة اثنين اتعملت في عهد ابوالفتوح وكانت تبرع منه وقت رئاسته للنادي وكمان اتبرع بجيم الرياضيين بجوار الحمام الرئيسي الحقيقي اللي اتعمل في الستينيات اما عن صالة تنس الطاوله فقد انشأت ايضا علي نفقة الدولة وقت افتتاح دورة الالعاب الافريقية اما عن المبني الاجتماعي فقد بدأ في انشاءة ممدوح عباس ولولا انه راجل كان حواليه بطانه السوء كان ممكن ينجح وينتهي من افتتاحه بالرغم انه كان رئيس للنادي وقت الثوره بدون رعايه او بث أو موارد مادية وكمان النشاط الرياضي في مصر قد توقف كل هذا ولا اخفي انه ايضا كان رئيس فاشل ومغرور بصراحة انا تعبت من الكتابه ومش شايف امامي ليك اي انجازات غير انك هدمت استاد محمد حسن حلمي زامورا علشان متسمعش الجماهير وهي بتشتمك لانك عدو الرياضه الاول وكمان هدمت المبني الاجتماعي التاريخي لنادي الزمالك اللي اتبرع به فريد الاطرش وده علشان تمحوا حاجه اسمها تاريخ نادي الزمالك حتي يبدأ التاريخ بدايه من عهدك الميمون ده غير ازالتك لكم من الخضرة والاشجار النادرة بالنادي اللي انت دبست فيها بعد كده المهندس الزراعي بالنادي اما عن انجازات سيادتك فهرجع اقولك انهم 11 حفره اتعملوا بدون شركات خبرة أو اي مناقصات بالهوي والامر المباشر يعني ولا نسيت ان سيادتك طلعت وقولت انك المهندس اللي خطط للنادي عمتا التسجيلات موجوده وطبعا من انجازات سيادتك الجناين البلاستك واسوار الجناين اللي معموله بالطوب يعني شغل ورق يا فنان وطبعا كل الجناين ديه معموله علي ارضيتها بصبه خراسانيه وبدون شبكة صرف . حقيقي انت عملت شكل لصورة حلوة لنادي اجتماعي بدون أي اساس وبالمخالفة للقانون اللي سيادتك بتمثلة بصراحة موضوعاتك كثير وايديا نملت من كثر الكتابة بس اسمحلي اريح ايدي شويه وهرجعلك تاني