رجب بحة ردا على مرتضى منصور: “حرام عليك أنا راجل غلبان ولست ساحر”

 

كتب: خالد خيري

سيطرت حالة من الغضب بين عائلة رجب محمد محمد شحاتة والشهير بـ”رجب بحة”، والذي اتهمه مرتضى منصور رئيس نادي الزمالك المعزول بحكم قضائي نهائي ، بالسحر والشعوذة، وتسببه في هزيمة الفريق ، خلال مباراته الأخيرة أمام الأهلي برباعية 

وأثار مرتضى منصور، في الساعات الماضية حالة من الجدل حيث أكد أن فريقه لم يخسر من الأهلي بسبب منشطات أو أخطاء ولكن بسبب ساحر يدعى رجب بحة من الفيوم في قرية منية الحيط بمركز إطسا.

 

 

وظهر الحاج رجب بحة في مقطع الفيديو يقول:” بسم الله الرحمن الرحيم أنا رجب محمد شحاتة سيادة المستشار اتهمني بالباطل أني ساحر ودجال أقسم بالله العظيم أنا راجل أمي لا بعرف أقرأ ولا أكتب مش بعرف أسحر واللي يعمل كدة مشرك بالله”.

أضاف:” أنا راجل عامل بناء شغال بأيدي على الله أرزقي، عايشين في بيت مش هترضاه لنفسك، اللي قلته غلط وما ينفعش حرام عليك لما تشوه سمعة ولادي ومعايا بنات على وش جواز أقسم بالله معرفش أعمل سحر أنا حافظ القرآن وخسارة الزمالك سببها أن لاعيبتك تعبانة”.

ورد شخصًا آخر من أهالي قرية منية الحيط على اتهام مرتضى منصور:”يا سيادة المستشار انت راجل دولة، إزاي تتكلم بالطريقة دي على الناس، وإزاي بتتهم الناس بالباطل عشان واحد قالك كلمتين تطلع على الهوا، في بث مباشر تتكلم على ولاد الناس، الراجل دا لا يعرف الأهلي ولا يعرف الزمالك، دا راجل بنا، راجل أمي ميعرفش يكتب اسمه”